ជីវិត និងការដំដែកគោល

ក្មេងប្រុសម្នាក់ជាក្មេងដែលមានអារម្មណ៍៍មិនសូវល្អ ទើបឪពុករបស់គេអោយដែកគោលមួយប្រអប់ទៅគេ ហើយឪពុករបស់គេប្រាប់ថា នៅពេលណាដែលកូនមានអារម្មណ៍មិនល្អ ខឹង ឬច្រឡោត អ្នកណា សូមកូនវាយដែកគោលនៅរបងក្រោយផ្ទះចុះ ណា ។ ថ្ងៃដំបូងកន្លងផុតទៅ ក្មេងប្រុសតូចនោះបានវាយដែលគោលនៅលើរបងដល់ទៅ 37 ដើម ថ្ងៃទី2 ហើយថ្ងៃទី3 ហើយនឹងថ្ងៃបន្តៗមកទៀត ចំនួនដែលគោលបាន ថយចុះទៅៗៗ ព្រោះក្មេងប្រុសនោះមានអារម្មណ៍ ការដែលស្គាល់ខ្លួនឯង នឹងការគ្រប់គ្រងអារម្មណ៍ខ្លួនឯងអោយស្ងប់ ងាយស្រួលជាងការ វាយដែកគោលឆ្ងាយណាស់។
ហើយថ្ងៃមួយក្រោយពីគេអាចគ្រប់គ្រងអារម្មណ៍ខ្លួនឯងបាន កាន់តែប្រសើរហើយ ចិត្តក៏កាន់តែធ្ងន់ គេបានដើរមករកឪពុក ហើយប្រាប់ឪពុកគេថា គេគិតថាគេមិនចាំបាច់ត្រូវវាយដែកគោលទៀតទេ ព្រោះគេបានផ្លាស់ប្តូរហើយ មិនឆេវឆាវ មិនកំរោលចូលដូចពីមុនទៀតទេ។
ឪពុកគេញញឹមហើយប្រាប់កូនប្រុសថា បើពិតជាអញ្ចឹងមែននោះ សាកពិសោធន៍អោយពុកមើល៍ ដោយអោយកូនព្យាយាមដកដែកគោលពី របងក្រោយផ្ទះវិញម្តងមួយដើម មួយថ្ងៃហើយមួយថ្ងៃទៀត ក្មេងប្រុសក៏ដក ជាបន្តបន្ទាប់ម្តងមួយៗ រហូតដល់ទីបំផុត ដែកគោលទាំង អស់ត្រូវបានដកចេញអស់ពីរបង ។

ពេលនោះក្មេងប្រុសនោះសប្បាយចិត្ត ណាស់ប្រញ៉ាប់រត់ប្រាប់ឪពុករបស់គេ គេប្រាប់ឪពុកគេថា ខ្ញុំធ្វើបានហើយ នៅទីបំផុតខ្ញុំធ្វើបានសំរេចហើយ ឪពុកមិនបាននិយាយអ្វី តែដឹកដៃកូនរបស់គាត់ទៅឯរបងនោះ ហើយនិយាយថា កូនធ្វើបានល្អណាស់ពេលនេះ តែចូរកូនក្រឡេកមើល ទៅរបងទៅមើល៍ ឃើញទេថារបងវាមិនដូចដើមទេ មិនដូចពីមុនទេ កូនត្រូវចាំទុកណា ពេលណាដែលយើងធ្វើអ្វីទៅហើយដោយការប្រើអារម្មណ៍ វត្ថុនោះតែងតែ សល់ស្នាមរបួស វាដូចជាការយកកាំបិតទៅឆូត ទៅចាក់គេចឹង ទោះជា សុំទោស ប៉ុន្មានដងក៏មិនអាចលុបស្នាមរបួសឬការឈឺចាប់ដែល កើតឡើងជាមួយគេបានឡើយ កូនចូរចាំពាក្យថា "សុំទោស " ទុកជាប់ក្នុងចិត្តរហូតណា មិនថាគេលើទោសអោយយើង ឬ មិនលើកទោសក៏ដោយ ត្រូវចាំទុកថា រឿងដែលវាកើតឡើង ស្លាកស្នាមដែលមាននៅលើរូបគេ គេអាចមិនមានថ្ងៃភ្លេចវាបានរហូត រឿងដែលសំខាន់គឺ ដឹងអោយទាន់សេចក្តីមោហៈអោយបានលឿនបំផុត មុននឹងយើងមិនទាន់បាត់បងម្ចាស់ការលើខ្លួនឯង កុំបណ្តោយអោយសេចក្តីក្រេវក្រោធគ្របសង្កត់លើយើង យ៉ាងហោចវាក៏ជួយបញ្ឈប់ការដាក់ទោសអ្នកផ្សេង បញ្ឈប់ការទាមទារ យកឈ្នះចាញ់ ។

Source: La Lune